arundhati pelli

అరుంధతి పెళ్లి.........

టాలీవుడ్‌ టాప్‌ హీరోయిన్‌ అనుష్క త్వరలోనే పెళ్లి పీటలు ఎక్కబోతున్నదట. బెంగళూరుకు చెందిన వ్యాపారవేత్తను అనుష్క వచ్చే ఏడాదిలో పెళ్లి చేసుకునే అవకాశముందని వెబ్‌ మీడియాలో, సోషల్‌ మీడియాలో కథనాలు వెల్లువెత్తుతున్నాయి. 

ప్రస్తుతం అనుష్క ‘బాహుబలి: ద కన్‌క్లూజన్‌’, ‘భాగమతి’ వంటి ప్రతిష్టాత్మక సినిమాల్లో నటిస్తోంది. మంగళూరుకు చెందిన అనుష్క 36 ఏళ్ల వయస్సులో వైవాహిక జీవితంలో అడుగుపెట్టబోతున్నదని ఈ కథనాలు ఉటంకిస్తున్నాయి.

నిజానికి అనుష్క పెళ్లి గురించి గతంలో రకరకాల కథనాలు మీడియాలో షికారు చేసిన సంగతి తెలిసిందే. ఇటీవల ఆమె ఓ టాలీవుడ్‌ నిర్మాతతో డేటింగ్‌ చేస్తున్నట్టు కూడా వదంతులు వచ్చాయి. ఈ నేపథ్యంలో అనుష్క పెళ్లి గురించి తాజాగా చక్కర్లు కొడుతున్న కథనాలు ఎంతవరకు నిజమన్నది ధ్రువీకరించలేమని టాలీవుడ్‌ పరిశీలకులు అంటున్నారు.

దక్షిణాదిలో కథానాయికగా ఒక వెలుగు వెలుగుతున్న అనుష్క పెళ్లి వార్తలు నిజమైతే.. వచ్చే ఏడాది సమంత-నాగా చైతన్య పెళ్లితోపాటు ఈ సెలబ్రిటీ వివాహం కూడా వార్తల్లో నిలిచే అవకాశముంది. పెళ్లి తర్వాత అనుష్క సినిమాల్లో నటిస్తోందో లేదోనని అప్పుడే ఆమె అభిమానులు బెంగ పెట్టుకున్నట్టు సోషల్‌ మీడియాలో కామెంట్లను బట్టి తెలుస్తోంది.

cini gossips

తమన్నాకు చాలదట.........     

టాలీవుడ్, కోలీవుడ్, బాలీవుడ్ ఇండస్ట్రీలను తన అందంతో షేక్ చేసిన సెక్సీ బ్యూటీ తమన్నా. ఈ హీరోయిన్ పేరు చెప్పగానే అంతా మిల్కీ బ్యూటీ అంటుంటారు. 

ఆమె గ్లామర్ అందం అలా ఉంటుంది మరి. బాహుబలి చిత్రంతో తన స్టామినా సూపర్ రేంజికి వెళ్లిపోయింది. ఇప్పుడు అమ్మడు కాల్షీట్లు కావాలంటే అంత తేలిక్కాదు. దానికితోడు గిరాకీ ఉన్నప్పుడే డిమాండ్ చేయాలనేది సినీ ఫీల్డులో ఉండనే ఉంది. అదే రూటులో తమన్నా నడుస్తోందట.

ఇంతకీ విషయం ఏమంటే... ఆమెను కొత్త సంవత్సరం సందర్భంగా డిసెంబరు 31న న్యూ ఇయర్ బాష్ పేరుతో కార్యక్రమాన్ని ఏర్పాటు చేస్తున్నారట. ఈ కార్యక్రమంలో డ్యాన్స్ చేసేందుకు అమ్మడికి రూ. 1.20 కోట్లు ఇస్తామని ఆఫర్ చేసినా... ప్చ్ అంటోందట. దీనితో నిర్వాహకులు మరో రేటుతో ఎలాగైనా ఆమెతో ఎలాగైనా డ్యాన్స్ చేయించాలని ప్రయత్నిస్తున్నారట.....

amir khan telugu movie

అమీర్ ఖాన్ తెలుగు సినిమా......యుద్ధం(దంగల్)

 

అమీర్ ఖాన్ సినిమా అంటే కళ్లు మూసుకుని థియేటర్లకు వెళ్లిపోవచ్చని భరోసా భారతీయ ప్రేక్షకులది. గత కొన్నేళ్లలో అద్భుతమైన సినిమాలతో ఇంకే హీరోకు లేని స్థాయిలో రెపుటేషన్ పెంచుకున్నాడు అమీర్. 3 ఇడియట్స్.. పీకే లాంటి సినిమాలతో ఆయన స్థాయి అమాంతం పెరిగింది. అమీర్ కొత్త సినిమా 'దంగల్' కూడా గొప్ప సినిమాలాగానే కనిపిస్తోంది. హిందీలో ఆల్రెడీ రిలీజైన ట్రైలర్కు అద్భుతమైన స్పందన వచ్చింది. ఈ చిత్రాన్ని సౌత్ ఇండియన్ రీజనల్ లాంగ్వేజెస్లో కూడా రిలీజ్ చేస్తున్నారు. తెలుగులోనూ 'దంగల్.. యుద్ధం' పేరుతో రిలీజవుతోంది ఈ చిత్రం. నిన్నే తెలుగు పోస్టర్ రిలీజ్ చేసిన చిత్ర బృందం.. ఇప్పుడు తెలుగు ట్రైలర్ కూడా వదిలింది.

మహవీర్ పొగట్ అనే రెజ్లర్ నిజ జీవిత కథ ఆధారంగా తెరకెక్కిన సినిమా దంగల్. తాను సాధించలేకపోయిన స్వర్ణాన్ని తన కొడుకు ద్వారా సాధించాలనుకుంటాడు పొగట్. ఐతే అతడికి వరుసగా నలుగురు అమ్మాయిలే పుట్టడంతో నిరాశలో కూరుకుపోతాడు. ఐతే కూతుళ్లు ఇద్దరు కుర్రాళ్ల దుమ్ముదులపడంతో అతడి ఆలోచన మారుతుంది. అమ్మాయిల్ని రెజ్లర్లుగా ఎందుకు చేయకూడదు.. వాళ్లతో పతకాలు ఎందుకు సాధించకూడదు అనుకుంటాడు. ఈ ప్రయత్నంలో అతనెలా విజయవంతం అయ్యాడన్నది 'దంగల్ కథ. తెలుగు డబ్బింగ్ కూడా శ్రద్ధగానే చేశారని ట్రైలర్ చూస్తే అర్థమవుతోంది. ట్రైలర్ ఆసక్తికరంగా ఉంది. అంకిత్ తివారీ దర్శకత్వం వహించిన ఈ చిత్రం డిసెంబరు 23నప్రేక్షకుల ముందుకు రానుంది.

cinema gossips

అన్నయ్య కోసం తమ్ముడు......

చిరంజీవి, పవన్ కళ్యాణ్ మధ్య స్పర్ధలు తొలగిపోయి చాలా రోజులవుతున్నా కానీ అన్నదమ్ములిద్దరూ కలిసి కనిపించిన సందర్భాలు చాలా తక్కువ. సర్దార్ గబ్బర్సింగ్ ఆడియోని చిరంజీవి లాంఛ్ చేసిన తర్వాత మెగా బ్రదర్స్ కలిసి కనిపించలేదు. చిరంజీవి రీఎంట్రీ చిత్రం ప్రారంభోత్సవంలో కానీ, శ్రీజ పెళ్లిలో కానీ పవన్ జాడ లేదు. అయితే ఖైదీ నంబర్ 150 చిత్రం ఆడియో వేడుకకి పవన్కళ్యాణ్ ముఖ్య అతిథిగా విచ్చేస్తాడని ప్రచారం జరుగుతోంది. ఇప్పటికే పవన్ని కలిసి రామ్ చరణ్ ఈ సంగతి చెప్పాడని, పవన్ కూడా సానుకూలంగా స్పందించాడని సమాచారం. 

మెగాస్టార్ రీఎంట్రీ ఆడియో లాంఛ్లో మెగా హీరోలంతా వుండాలనేది రామ్ చరణ్ ఆలోచన. ఈ వేడుకని అత్యంత వైభవంగా చేయడానికి చరణ్ ఇప్పటినుంచే పావులు కదుపుతున్నాడట. సాధారణ ఆడియో ఫంక్షన్ల మాదిరిగా కాకుండా దీనిని చాలా స్పెషల్గా చేసేందుకు గాను పలు ఈవెంట్ మేనేజ్మెంట్ కంపెనీలతో సంప్రదింపులు జరుపుతున్నాడట. పవన్కళ్యాణ్తో సహా మొత్తం మెగా హీరోలంతా ఒకే వేదికపై వున్నట్టయితే ఇక ఆ దృశ్యం వీక్షించడానికి మెగా అభిమానులకి రెండు కళ్లు సరిపోవేమో,,

sridevi daughter cini entry

శ్రీదేవి కూతురు....సినిమాలోకి

అలనాటి అందాల శ్రీదేవికి ఏమాత్రం తగ్గని అందగత్తె ఆవిడ కూతురు జాహ్నవి కపూర్. 19 ఏళ్ళ ఈ అమ్మాయిని సినిమాల్లోకి లాగాలని చాలామంది ప్రయత్నించారు కాని, అప్పుడే తొందర ఎందుకులే అని శ్రీదేవి జాహ్నవి సినిమా ఎంట్రీని వాయిదా వేస్తూ వచ్చారు. అయితే, మరింత ఆలస్యం చేయట్లేదు.

అవును, జాహ్నవి కపూర్ తెరంగ్రేటం కన్ఫర్మ్ అయిపోయింది. బాలివుడ్ అగ్ర దర్శకనిర్మాత కరణ్ జోహర్ నిర్మాణంలో జాహ్నవి వెండితెరకు పరిచయం కాబోతోంది. ఈ విషయాన్ని స్వయంగా జాహ్నవి తండ్రి, శ్రీదేవి భర్త బోణి కపూర్ మీడియాకి తెలియజేశారు.

ఈ మధ్యే మరాఠి సినిమా సైరత్ రీమేక్ హక్కులను చేజిక్కించుకున్న కరణ్ జోహర్, బహుషా జాహ్నవి హీరోయిన్ గా ఆ సినిమాని నిర్మిస్తాడేమో! చూద్దాం, జాహ్నవి తన తల్లిలాగే అగ్రశ్రేణి కథానాయికగా ఎదుగుతుందో లేదో.....

rajtarun latest movie

అన్నపూర్ణ స్టూడియోస్ బ్యానర్ లో రాజతరుణ్ కొత్త సినిమా

నాగార్జున బ్యానర్ అన్నపూర్ణ స్టూడియోస్ ద్వారా పరిచయం అయిన యంగ్ హీరో రాజ్ తరుణ్. ఉయ్యాల జంపాల సినిమాతో హీరోగా అయిన రాజ్ తరుణ్.. అదే బ్యానర్‌లోనే మరో సినిమా చేసేందుకు అంగీకరించాడు. తాజాగా రాజ్ తరుణ్, అన్నపూర్ణ స్టూడియోస్‌లో తన రెండో సినిమాకు ఓకె చెప్పాడు. ఈ సినిమాతో రంజని అనే మహిళా దర్శకురాలు ఇండస్ట్రీకి పరిచయం అవుతోంది. 

ప్రస్తుతం నటీనటుల ఎంపిక జరుగుతున్న ఈ సినిమా డిసెంబర్ 1న లాంచనంగా ప్రారంభించనున్నారు. రాజ్ తరుణ్ హీరోగా నటిస్తున్న రాజుగాడు సినిమా రిలీజ్‌కు రెడీ అవ్వగా, అందగాడు, కిట్టు ఉన్నాడు జాగ్రత్త వంటి సినిమాలు షూటింగ్ దశలో ఉన్నాయి.

Heebha patel

    

హాట్ న్యూస్ ఫర్ హీబా ఫాన్స్

హీబా పటేల్ మొదటి సినిమా అలా ఎలా ఎవరికి తెలియక పోయినా కుమారి 21f తో ఓ రేంజ్ పాపులారిటీ సంపాదించిన హెబ్భా పటేల్ స్క్రీన్ మీద కనబడితే విజిల్స్ మోతే అనేయాలి. 

కుర్ర కారు గుండెల్ని పిండేసే సోయగాలతో అమ్మడు చేసే హొయలు అన్ని ఇన్ని కావు అయితే ఈ మధ్య కాస్త గ్యాప్ వచ్చేసేసరికి మళ్లీ తను చేస్తున్న నాన్న..నేను.. నా బోయ్ ఫ్రెండ్స్ సినిమాలో కుమారిలా మరోసారి విశ్వరూపం చూపించబోతుందట హెబ్భా. 

ఓ రకంగా చెప్పలంటే కుమారిలో సగం అందాలకే పరిమితమవగా ఇందులో పూర్తి అందాలను గుమ్మరించిందని టాక్. ఇక ఆ విషయం ఎలా బయట పడ్డది అంటే ఈ మధ్యనే సినిమా సాంగ్స్ లో అమ్మడు వేషధారణను చూసి అంతా డిసైడ్ అయ్యారు. సో ఎలా చూసినా సరే హెబ్భా పటేల్ మళ్లీ తన అందాల మత్తులో ఆడియెన్స్ ను దించేయాలని చూస్తుంది. భాస్కర్ డైరెక్ట్ చేస్తున్న ఈ సినిమా త్వరలో విడుదలకు రెడీ అవుతుంది.

          

akhil movies

అక్కినేని అఖిల్ సినిమాలు ఉన్నాయా లేదా ...?  

22 ఏళ్ళ అఖిల్ సినిమాల్లోకి హీరోగా వచ్చి అప్పుడే ఏడాది గడిచిపోయింది. అవును, తన తొలి చిత్రం, అఖిల్ – ది పవర్ ఆఫ్ జువా వచ్చి ఏడాదయ్యింది. ఈపాటికి మరో హీరో ఉండుంటే కనీసం రెండు సినిమాలైనా విడుదల చేసి, మూడోవ సినిమా దాదాపుగా పూర్తి చేసేసేవాడు. కాని మన అఖిల్ మాత్రం ఇంకా రెండొవ సినిమా మొదలుపెట్టనే లేదు.

 
అసలు అఖిల్ కి సినిమాల మీద ఇంటరెస్ట్ లేదని కామెంట్స్ చేస్తున్నారు అక్కినేని వారి సీనియర్ అభిమానులు. ఏదో స్టార్ డమ్ ఎంజాయ్ చేద్దామని ఇండస్ట్రీకి వచ్చాడే తప్ప, కథల పట్ల స్పష్టత కాని, సినిమా మీద ప్రేమ కాని లేదని బాధపడుతున్నారు ఫ్యాన్స్. 

వంశీ పైడిపల్లి అఖిల్ వయసుకి తగ్గట్టుగా మంచి యూత్ ఫుల్ కథతో వస్తే, ముప్పుతిప్పలు పెట్టాడట అఖిల్. ఓ మూడు నాలుగు నెలలు వంశీని తిప్పించుకోని, తన సినిమా కాదని, మళ్ళీ హను రాఘవపూడితో సినిమా అన్నౌన్స్ చేసి, దాన్ని కూడా ఆపేశాడు. ఇప్పుడు విక్రమ్ కుమార్ తో సినిమా ప్రకటించి కూడా కొన్ని నెలలు గడుస్తున్నాయి. అయినా, ఆ సినిమా ఎప్పుడు మొదలయ్యేది ఎవరికి అర్థం కావడం లేదు.

ఇవన్నిపోను, అఖిల్ సినిమాల మీద మనసుపెట్టకుండా, అప్పుడే నిశ్చితార్థం, పెళ్ళి అని తొందరపడటం అక్కినేని ఫ్యాన్స్ అస్సలు నచ్చట్లేదు. అఖిల్ మీద నాగచైతన్య నయం అని, సమంత లాంటి హీరోయిన్ తో ప్రేమలో ఉన్నా, పర్సనల్ విషయాలు ఎప్పుడు తన కెరీర్ కి అడ్డంకులుగా మారలేదని వాపోతున్నారు అభిమానులు.

singer sunitha

 సినిమాల్లో నటించేందుకు ఒప్పుకుందా.....?        సింగర్ సునీత
 

హీరోయిన్లకు ఏమాత్రం తగ్గని అందం.. హావభావాలుండే ఆ గాన సోయగం సునీత. ఆమె పాటకు ఎంతమంది అభిమానులుంటారో ఆమె అందానికి అంతకంటే ఎక్కువ మంది అభిమానులున్నారు. గాయనిగా, డబ్బింగ్ కళాకారిణిగా, యాంకర్‌గా సునీత మంచి పేరు కొట్టేసింది. ఆమెతో తమ సినిమాల్లో నటింపజేయడానికి కొంతమంది దర్శక నిర్మాతలు ప్రయత్నించారు. అభిమానులు కూడా ఆమె తెరపైకి రావడం పట్ల ఆసక్తిని కనబరిచారు.

అయితే తనకి వచ్చిన అవకాశాలను సునీత సున్నితంగా తిరస్కరించింది. అలాంటి సునీత ఈసారి కెమెరా ముందుకు రావడానికి సిద్ధపడింది. అయితే అది భారీ సినిమా కాదు.. ఓ షార్ట్ ఫిల్మ్. ఈ సినిమా షూటింగ్ ఇటీవలే మొదలైంది. చైతన్య శ్రీ పెరంబదూర్ ఈ షార్ట్ ఫిల్మ్‌కి దర్శకుడు. బ్రహ్మోత్సవం సినిమాలో సునీత నటిస్తోందని వార్తలొచ్చాయి. అయితే ఈ ఆ వార్తలను సునీత కొట్టిపారేసింది. తాజాగా షార్ట్ ఫిలిమ్‌లో నటించేందుకు గ్రీన్ సిగ్నల్ ఇచ్చేందుకు కారణం ఏమిటనే దానిపై చర్చ సాగుతోంది

mahesh vs samantha

మహేషతో  పోటీగా సమంతా

టాలీవుడ్ సూపర్ స్టార్ మహేష్ బాబు రికార్డ్‌ను బ్రేక్ చేయడం ఏంటి అనుకుంటున్నారా? అది కూడా హీరోయిన్ సమంత.. ఎలా సాధ్యం అనుకుంటున్నారా? ఇది సాధ్యమే. అయితే మీరనుకుంటున్నట్లు సినిమా కలెక్షన్లలో కాదు. ట్విట్టర్‌లో ‘ఫ్యాన్స్’ కలెక్షన్లలో. అవును. సాధారణంగా మహేశ్‌కి ట్విట్టర్‌లో విపరీతమైన ఫాలోయింగ్ ఉంది. చాలా అరుదుగా మహేశ్ ట్వీట్ చేసినప్పటికీ ఫాలోవర్స్ మాత్రం ఎక్కువే. అయితే ఈ రికార్డును సమంత బ్రేక్ చేసింది. మహేశ్‌కు ట్విట్టర్ ఫాలోవర్స్ 2.5 మిలియన్స్ అయితే, సమంతకు 3మిలియన్ల ఫాలోవర్లు ఉన్నారు. అంటే మహేశ్ కన్నా 5లక్షల ఫాలోవర్స్ ఎక్కువన్నమాట. అంటే మహేశ్ రికార్డును సమంత బ్రేక్ చేసినట్టే కదా! దీనంతటికీ కారణం ఏమిటంటే, మహేష్ ఎప్పుడో ఒకసారి చాలా అరుదుగా ట్వీట్ చేస్తుంటాడు కానీ సమంత మాత్రం సంవత్సరంలో ప్రతిరోజూ ఏదో ఒకటి పెడుతూనే ఉంటుంది. దానికి తోడు ఈ భామ అక్కినేని హీరోను పెళ్లి చేసుకోబోతుందన్న వార్తలు వచ్చిన నేపథ్యంలో ఈమెకు ఫాలోవర్స్ విపరీతంగా పెరిగిపోయారు.

ప్రధానమంత్రి దెబ్బకు హీరోలు విలవిల

పాపం సినిమా వాళ్ల కష్టాలు

హైదరాబాద్:

ప్రధాని మోదీ నోట్ల కట్ల రద్దు వ్యవహారం తెలుగులోని ఓ స్టార్ హీరో కు పెద్ద తలనొప్పే తెచ్చిపెట్టినట్లైంది. పాతిక కోట్లకు పైగా క్యాష్ ఆయన ద్గగర బ్లాక్ మనీ ..ఇప్పుడు ఏం చేయాలో అని తలపట్టుకున్నారట. నిన్నటి నుంచి షూటింగ్ కు కూడా హాజరు కాకుండా ఆయన తన వాళ్లతో మంతనాలు జరుపుతున్నారట. 

వాస్తవానికి మన తెలుగులో కాదు దేశంలోని అన్ని లాంగ్వేజ్ ల్లోనూ చాలా మంది హీరోలు బ్లాక్ ఇంత, వైట్ ఇంత అని రెమ్యునేషన్ ని తీసుుకుంటూంటారు. నిర్మాతలకు అదే వెసులు బాటుకావటంతో బ్లాక్ మనీ విచ్చలవిడిగా పరిశ్రమలో తిరిగుతూంటుంది. ఆ డబ్బు అటు తిరిగి ఇటు తిరిగి మళ్లీ రియల్ ఎస్టేట్ రంగంలోకి అందులోంచి మళ్లీ సినీ పరిశ్రమలోకి వస్తుంది.

దాంతో చాలా మంది హీరోల వద్ద బ్లాక్ మనీ అనేది కామన్. దానికి తోడు రెమ్యునేషన్స్ విపరీతంగా పెరగటంతో బ్లాక్ అనేది , టాక్స్ కట్టకుండా తప్పించుకోవటానికి ఓ మార్గం అయ్యింది. ఈ నేపధ్యంలో ప్రధాని తీసుకున్న ఈ నోట్ల కట్ల రద్దు వ్యవహారం ఇలాంటి వారందిరికీ సమస్య తెచ్చి పెట్టింది.

1000 నోట్లు ఇక ప్రస్తుత విషయానికి వస్తే...ఆ స్టార్ హీరో దగ్గర ఓ రియల్ ఎస్టేట్ డీల్ కోసం దాచిన పాతిక కోట్లు .. దాదాపు అన్ని వెయ్యి రూపాయల నోట్లు డినామినేషన్ తో ఉన్నాయిట ఇంట్లో. ఓ రెండు రోజుల్లో షంషాబాద్ వద్ద ఓ సెటిల్మెంట్ కోసం తెచ్చిన డబ్బు...ఇప్పుడు ఏం చేయాలా అనే సమస్యలో పడేసిందిట.

మొత్తం బ్లాక్ మనీ లెక్క చెప్దాము అంటే...దానికి లెక్కలు లేవు. అది బ్లాక్ మనీట. ఈ విషయం ఫిల్మ్ సర్కిల్స్ లో జోరుగా ప్రచారం అవుతోంది. అయితే ఇక్కడ ట్విస్ట్ ఏమిటి అంటే..ఆయన బయిట వారితో మీడియావారితో మాత్రం మోదీ తెచ్చిన ఈ మార్పు అద్బుతమని పొగుడుతూమాట్లాడుతున్నారట. లోపల ఏడుస్తూ..బయిటకు నవ్వుతూ ఇలా ఆ స్టార్ హీరో నిన్నటినుంచీ నటిస్తున్నాడట.

పద్దతి మార్చుకుంటారా :

మరోవైపు భారీగా రెమ్యుషన్ అందుకొనే హీరో, హీరోయిన్, దర్శకులు... కొంతమొత్తాన్ని బ్లాక్‌లో ఇవ్వాలని డిమాండ్‌ చేస్తుంటారట. ఇప్పుడు వాళ్ల మాటేంటి? ఇక ఆ పద్ధతి మార్చుకోవాల్సిందే అంటూ పరిశ్రమలో గుసగుసలు వినిపిస్తున్నాయి.

ఓ నటుడు అయితే              

                           

‘‘ఇప్పటికి షాకింగ్‌గా అనిపించినా కొద్ది రోజులు పోతే అనూహ్యమైన మార్పులు వచ్చే అవకాశం ఉంది. పన్ను ఎగ్గొట్టడానికి వీల్లేదు... అని ప్రతీ ఒక్కరూ బలంగా ఫిక్స్‌ అయిపోతారు. ఈ పరిణామంతో పారితోషికాలు తగ్గుతాయి అనుకోవడం లేదు. అవి ఎప్పట్లా కొనసాగే అవకాశాలున్నాయి. నా సినిమాలో నటించిన ఓ నటుడు తన పారితోషికంలో దాదాపుగా 80 శాతం బ్లాక్‌లోనే ఇమ్మని డిమాండ్‌ చేశాడు. ఇప్పుడు ఆ అవకాశమే లేదు. ఇదీ ఒకందుకు మంచిదే. పేపర్‌పై అన్ని లెక్కలూ పక్కాగా ఉంటాయి. కొన్ని రోజుల్లో అంతా సర్దుకుంటుంది. అయితే ఈ రెండు రోజులు షూటింగులు చేసుకొనేవారి పరిస్థితి ఏంటన్నది ఆలోచించాలి. గురువారం నుంచి ‘ఫ్యాషన్‌ డిజైనర్‌' షూటింగ్‌ ఉంది. రోజువారి వేతనాలు ఎలా ఇవ్వాలో అర్థం కావడం లేదు''అన్నారు.

khaidi no 150

యూరఫ్‌లో చిరంజీవి సినిమా ఖైదీ 

నంబర్:150

హైదరాబాద్: మెగాస్టార్ ఖైదీ నంబ‌ర్ 150 (బాస్ ఈజ్ బ్యాక్‌) జెట్‌స్పీడ్‌తో తెర‌కెక్కుతున్న సంగ‌తి తెలిసిందే. సంక్రాంతి రిలీజ్ కోసం డెడ్‌లైన్‌తో టీమ్ అహోరాత్రులు శ్ర‌మిస్తోంది. ఈ చిత్రంలో చిరంజీవి స‌ర‌స‌న‌ కాజ‌ల్ క‌థానాయిక‌గా న‌టిస్తున్నారు.

వి.వి.వినాయక్ దర్శకత్వం వహిస్తున్నారు. కొణిదెల ప్రొడక్షన్‌ కంపెనీ పతాకంపై మెగా పవర్‌స్టార్ రామ్‌చ‌ర‌ణ్ నిర్మిస్తున్నారు. బాస్ ఈజ్ బ్యాక్ .. అన్న ట్యాగ్‌లైన్‌కి త‌గ్గ‌టే ఇప్పటికే పోస్ట‌రులు యువ‌త‌రంలోకి దూసుకెళ్లిపోయాయి.

ఈ చిత్రానికి మెగాస్టార్ త‌న‌య సుశ్మిత డిజైన్ చేసిన కాస్ట్యూమ్స్‌కి ప్రత్యేక‌మైన గుర్తింపు ద‌క్కింది. మెగాస్టార్‌ని త‌న కెరీర్‌లోనే అత్యంత స్టైలిష్‌గా సుశ్మిత డిజైన్స్ ఆవిష్కరించాయ‌న్న టాక్ వ‌చ్చింది. 2017 మోస్ట్ అవైటింగ్ మూవీగా ఖైదీ నంబ‌ర్ 150 గురించి ఇంటా బైటా చ‌ర్చ సాగుతోంది. ప్రీరిలీజ్ బిజినెస్‌లోనూ బాస్ అంతే స్పీడ్ చూపించ‌డం సౌత్ ఇండ‌స్ట్రీస్‌, ఓవ‌ర్సీస్‌లో హాట్ టాపిక్ అయ్యింది. ప్రస్తుతం యూర‌ప్‌లో పాట‌ల చిత్రీక‌ర‌ణ‌కు యూనిట్ రెడీ అవుతోంది.

ఖైదీ నంబ‌ర్ 150 పాట‌ల చిత్రీక‌ర‌ణ‌కు యూర‌ప్ వెళుతున్నాం. స్లోవేనియా, క్రొయేషియా (సెంట్ర‌ల్ యూర‌ప్‌) లాంటి అరుదైన దేశాల్లో రెండు పాట‌ల్ని తెర‌కెక్కించేందుకు అన్ని ఏర్పాట్లు సాగుతున్నాయి.

జానీ మాస్టర్, శేఖర్ మాస్టర్

జానీ మాష్టర్, శేఖ‌ర్ మాష్టర్‌ ఈ పాట‌ల‌కు కొరియోగ్రఫీ అందిస్తున్నారు. శ్రీ‌మ‌ణి సాహిత్యం అందించారు. అన్ని ప‌నులు పూర్తి చేసి, జ‌న‌వ‌రిలో సంక్రాంతి కానుక‌గా సినిమా రిలీజ్ చేస్తామని రామ్ చరణ్ తెలిపారు.

 ఈ చిత్రంలో బాలీవుడ్ న‌టుడు త‌రుణ్ అరోరా విల‌న్ పాత్ర‌లో న‌టిస్తున్నారు. ర‌త్న‌వేలు ఛాయాగ్ర‌హ‌ణం, దేవీశ్రీ ప్ర‌సాద్ సంగీతం అందిస్తున్నారు. జాతీయ అవార్డ్ గ్ర‌హీత తోట‌త‌ర‌ణి క‌ళాద‌ర్శ‌క‌త్వం వ‌హిస్తున్నారు.

మ్యాటర్ లీక్: అఖిల్ కాబోయే భార్యకు.... నితిన్ లవ్ ఎఫైర్‌కు లింక్?
హైదరాబాద్: అక్కినేని యంగ్ హీరో అఖిల్ త్వరలో పెళ్లికొడుకు కాబోతున్న సంగతి తెలిసిందే. తన ప్రియురాలు శ్రీయభూపాల్ ను అఖిల్ పెళ్లాడబోతున్నాడు. శ్రీయ భూపాల్ హైదరాబాద్ కు చెందిన ఒక ప్రముఖ వ్యాపారవేత్త షాలిని భూపాల్‌ కుమార్తె. ఈ షాలిని ఎవరో కాదు.. ప్రముఖ వ్యాపారవేత్త, జీవికె గ్రూప్‌ అధినేత జివి కృష్ణా రెడ్డి కుమార్తె. శ్రీయ భూపాల్ ఆయన మనవరాలు. ఇదంతా అందరికీ తెలిసిందే కదా.... అఖిల్ కు కాబోయే భార్యకు, నితిన్ లవ్ ఎఫైర్ కు లింకేటి అనుకుంటున్నారా? వస్తున్నాం.. వస్తున్నాం... ఆ మ్యాటర్లోకే వస్తున్నాం. అఖిల్, నితిన్ మంచి ఫ్రెండ్స్. ఈ క్రమంలోనే ఇటీవల శ్రీయ భూపాల్ ను నితిన్ కు పరిచయం చేసాడట. తరచూ.... అఖిల్, శ్రీయ భూపాల్, నితిన్ పలు పార్టీల్లో కలిసే వారని, శ్రీయ భూపాల్ తో పాటు ఆమె ఫ్రెండ్స్ కూడా ఆ పార్టీలకు వచ్చేవారని...... శ్రీయ భూపాల్ ఫ్రెండ్స్ లో ఒక అమ్మాయితో నితిన్ ప్రేమలో పడ్డాడని తెలుస్తోంది.

ఎవరా అమ్మాయి? నితిన్ ప్రపోజ్ చేసిన అమ్మాయి శ్రీయ భూపాల్ కు చాలా క్లోజ్ ఫ్రెండ్. హైదరాబాద్ కు చెందిన ప్రముఖ వ్యాపార వేత్త కుమార్తె అని ప్రచారం జరుగుతోంది. అయితే అమ్మాయి ఉన్నత కుటుంబానికి చెందిన వ్యక్తి కావడంతో.... ఇరు వర్గాల పెద్దల అంగీకారం తెలిపే వరకు ఆమె ఎవరనే విషయమై గోప్యత కొనసాగిస్తున్నారని టాక్.

అంబానీ కొడుకును ప్రేమలో దింపింది, ఎవరా హీరోయిన్?

హైదరాబాద్:

స్టార్ హీరోయిన్లంతా.... పడితే గిడితే బాగా డబ్బున్న వ్యాపార వేత్తలతోనో, లేదా నిర్మాతలతోనే, స్టార్ హీరోలతో ప్రేమలో పడటం, వారితోనే పెళ్లికి సిద్ధమవ్వడం ఈ మధ్య కాలంలో చూస్తూనే ఉన్నాం. ప్రేమ వ్యవహారాలు, ఎఫైర్లు.... తదితర అంశాలతో ఎప్పుడూ వార్తల్లో ఉండే బాలీవుడ్ స్టార్ హీరోయిన్ కత్రినా.... ఇటీవలే యంగ్ హీరో రణబీర్ కపూర్ తో బ్రేకప్ చేసుకుంది. తాజాగా ఆమె మరొకరితో లవ్ ఎఫైర్ మొదలు పెట్టినట్లు వార్తలు వినిపిస్తున్నాయి. లక్షల కోట్లకు అధిపతి, దేశంలోని అతిపెద్ద ధనవంతుడు ముఖేష్ అంబానీ కొడుకు ఆకాష్ అంబానీతో కత్రినా కైఫ్ ప్రేమలో పడ్డట్లు ప్రచారం జరుగుతోంది. ఇటీవల దీపావళి సందర్భంగా బిగ్‌బి అమితాబ్‌ ఇంట్లో గ్రాండ్‌గా పార్టీ జరిగింది.





అందుకే అనుమానాలు ఈ పార్టీకి ఆకాశ్‌అంబానీ, కత్రినాలు కలిసి ఒకే కారులో రావడం.... ఆ తర్వాత అనిల్‌ కపూర్‌ ఇంటికి కూడా ఇద్దరూ కలిసే వెళ్లడం, ఇద్దరూ చాలా క్లోజ్ గా మూవ్ అవ్వడంతో ఇద్దరూ డేటింగులో ఉన్నారని, ఇద్దరి మద్య క్లోజ్ రిలేషన్ షిప్ నడుస్తోందని అంటున్నారు. మరి వీరి ప్రేమ వ్యవహారం ఎక్కడి వరకు వెలుతుందో చూడాలి.

khaidi 150

చిరు 'ఖైదీ నంబర్‌ 150' ...సీన్ లోకి సుకుమార్ అసెస్టెంట్

హైదరాబాద్ :

దాదాపు తొమ్మిదేళ్ల తర్వాత వి.వి.వినాయక్‌ దర్శకత్వంలో 'ఖైదీ నంబర్‌ 150' చిత్రంలో నటిస్తున్న సంగతి తెలిసిందే. ఈ చిత్రం గురించి రోజుకో వార్త అభిమానులను అలరిస్తోంది. తాజాగా ఈ చిత్రం గురించి మరో వార్త మీడియాలో చర్చనీయాంశమైంది. ఆ వార్త ఏమిటీ అంటే... ఈ చిత్రానికి దర్శకుడు సుకుమార్ దగ్గర పనిచేసి, ఎన్టీఆర్ నాన్నకు ప్రేమతో చిత్రానికి కథ ఇచ్చి, మీకు మీరే...మాకు మామే చిత్రం డైరక్ట్ చేసిన హుస్సేన్ షా ని సీన్ లోకి తెచ్చారు. హటాత్తుగా హుస్సేన్ షా సీన్ లోకి రప్పించటానికి కారణం...సినిమాలో అలీ, సునీల్, బ్రహ్మానందం పై కామెడీ ట్రాక్ ని రాయంచటానికే అని తెలుస్తోంది. ఈ సినిమా మెయిన్ కథ పూర్తిగా సీరియస్ గా నడుస్తూండటంతో కామెడీ ట్రాక్ పై ఎక్కువ కాన్సర్టేట్ చేస్తున్నట్లు సమాచారం. కథలో కలిసేలా, ప్లాట్ ని ఎక్కడా డీవియేట్ కాకుండా ఈ కామెడీ ట్రాక్ ని తయారు చేస్తున్నట్లు తెలుస్తోంది. ఇక ఇప్పటికే... ఈ చిత్రానికి పరుచూరి బ్రదర్స్ , ఆకుల శివ , సాయి మాధవ్ బుర్రా రచయితలుగా పనిచేస్తున్నారు.

ప్రస్తుతం ఈ చిత్రం షూటింగ్ చకచకా షూటింగ్ జరుగుతోంది. ఈ సినిమాను సంక్రాంతికి విడుదల చేస్తున్నట్టు ముందుగానే చెప్పేశారు. అందువలన ఆ సమయానికి అన్నిపనులు పూర్తయ్యేలా చూసుకునేలా పనిలో పడ్డారు. ఇప్పటివరకు పలు సన్నివేశాలు షూటింగ్ జరుపుకున్న ఈ చిత్రం తాజాగా కాజల్‌తో కలిసి రొమాన్స్ సీన్స్‌లో చిరు బిజీ బిజీ ఉన్నాడట. చాలా రోజులు అయినప్పటికీ అటు నటనలో, ఇటు రొమాన్స్‌లో ఎలాంటి మార్పులు లేకుండా చేస్తున్నట్టు చెప్తున్నారు చిత్ర యూనిట్. మొత్తానికి వీలైనంత తొందరగా సినిమా పూర్తి చేసి సంక్రాంతికి రిలీజ్ చెయ్యడానికి దర్శకనిర్మాతలు సన్నాహాలు చేస్తున్నారు. రాజకీయాల తర్వాత చిరంజీవి రీఎంట్రీపై ఎన్నో అంచనాలు నెలకొన్నాయి. వాటిని అధిగమిస్తూ తమిళంలో ఘన విజయం సాధించిన 'కత్తి' చిత్రాన్ని తెలుగులో 'ఖైదీ నంబర్‌ 150'గా రీమేక్‌ చేస్తున్నారు. చిరంజీవి నుంచి అభిమానులు ఆశించే అన్ని అంశాలు ఇందులో ఉంటాయని నిర్మాత రామ్‌చరణ్‌ చెబుతున్నారు. ఇప్పటి వరకు చిరంజీవి నటించిన చిత్రాలు ఒక ఎత్తు అయితే ఇది మరో ఎత్తుగా అభివర్ణించాల్సిందే. ఎందుకంటే దాదాపు 9 సంవత్సరాల తర్వాత చిరంజీవి కెమెరా ముందుకు వచ్చారు. అయితే ఆయన నటనలో ఎలాంటి మార్పు లేదని చిత్ర బృందం చెబుతోంది.

Boyapati cinema

బెల్లంకొండ శీను తో  డైరెక్టర్  బోయపాటి కొత్త సినిమా

బెల్లంకొండ శీనుని త్వరలో డైరెక్ట్ చేయబోతున్నాడు బోయపాటి శీను. సరైనోడు హిట్ తో టాప్ రేస్ లో ఉన్న బోయపాటి.. విజయం కోసం కిందా మీదా పడ్తోన్న బెల్లంకొండతో సినిమా తీస్తున్నాడంటే అందరూ షాకయ్యారు. ఇలా ఆశ్చర్యపోడానికి చాలా రీజన్సే ఉన్నాయ్. అన్నింటి కన్నా మెయిన్ బోయపాటి మూవీస్ అంటే పవర్ ప్యాక్డ్. మాసిజం ఊరకలేస్తుంటుంది. బాలక్రిష్ణ.. జూనియర్ ఎన్టీఆర్.. బన్నీ లాంటి వాళ్లే బోయపాటి సినిమాల్లో హీరోయిజాన్ని కరెక్ట్ గా ప్రజెంట్ చేయగల్గారు. అలాంటిది ఫ్రేమ్ లో ఇంకా సరిగ్గా సెట్ కానీ శీనుతో బోయపాటి మూవీ అనే సరికే చాలామందికి చాలా డౌట్స్ వస్తున్నాయ్.

నిజానికి బెల్లంకొండ శీనుతో సినిమా చేస్తానని బోయపాటి ఎప్పుడో కమిట్ అయ్యాడు. అయితే ఆ ప్రాజెక్ట్ అనుకున్న టైంకి పట్టాలెక్కలేదు. ప్రతిసారీ ముహుర్తం జరుపుకోవడం వెనక్కి వెళ్లిపోవడం వీళ్ల కాంబినేషన్ కి రొటీన్ అయిపోయింది. ఈ గ్యాప్ లో బోయపాటి- బెల్లంకొండ చెరో మూవీ రిలీజ్ చేసుకొన్నారు కూడా. బోయపాటి గ్రాఫ్ పెరగ్గా.. బెల్లంకొండ మాత్రం అలాగే ఉండిపోయాడు. అందుకే అడ్వాన్స్ తీసుకున్నాడు కాబట్టి మొహమాటానికి బోయపాటి సినిమా చేస్తున్నాడనే ప్రచారం గట్టిగా జరుగుతుంది.

అయితే వాస్తవం ఇంకోలా ఉందట. ప్రామిస్ చేశాడు ఏదో నామ్ కే వాస్తే మూవీని చుట్టేయకుండా బెల్లంకొండ కెరీర్ కి కొత్త బ్రేక్ ఇవ్వడానికి బోయపాటి చాలా కేరే తీసుకుంటున్నాడనే టాక్ వినిపిస్తోంది. బాడీ లాంగ్వేజ్ దగ్గర్నుంచి డైలాగ్ డెలివరీ వరకు అన్ని విషయాల్లో శీనుని రాటు దేల్చుతున్నాడట. అల్రెడీ శీను చేసి సినిమాలు చూసి ఎక్కడెక్కడ వీక్ గా ఉన్నాడో ఆ సెక్షన్స్ లో ట్రైనింగ్ ఇప్పిస్తున్నాడట. అచ్చంగా 2-3 నెలలు దీనికే స్పెండ్ చేశారని అంటున్నారు. చూస్తుంటే బెల్లంకొండ శీనుని ప్రామిసింగ్ హీరోగా మార్చడానికి బోయపాటి చాలా కృషే చేస్తున్నట్టున్నాడు. మరి డైరెక్టర్ శీను హీరో శీనుకి చేస్తోన్న మేకోవర్ ఎలా ఉంటుందో ఫ్యూచర్లో చూడాలి.